പാലക്കാട് വടക്കഞ്ചേരിയിൽ ദേശീയപാതയോരത്ത് വച്ച് കണ്ടെയ്നർ ലോറി കാറിൽ ഇടിച്ചു. കാറിൽ നിന്ന് സാധനമെടുക്കാൻ ഡിക്കി തുറക്കുന്നതിനിടെയായിരുന്നു ദാരുണമായ അപകടം.
കോയമ്പത്തൂർ ആണ്ടൂർ കുന്നത്തൂരമ്പാളയം സ്വദേശി സഞ്ജയ് രാജ് (25) ആണ് മരിച്ചത്. ഇന്ന് രാവിലെ ഏഴരയോടെയായിരുന്നു സംഭവം.
ദേശീയപാതയിൽ അണക്കപ്പാറ എക്സൈസ് ഓഫീസിന് എതിർവശത്താണ് അപകടം നടന്നത്.
യാത്രയ്ക്കിടെ റോഡരികിൽ കാർ നിർത്തി മൊബൈൽ ഫോൺ ചാർജർ എടുക്കാൻ സഞ്ജയ് ഡിക്കി തുറന്നു.
ഈ സമയം പിന്നിൽ നിന്ന് വന്ന കണ്ടെയ്നർ ലോറി നിയന്ത്രണം വിട്ട് കാറിൽ ഇടിക്കുകയായിരുന്നു. ലോറിയുടെ ഇടിയിൽ സഞ്ജയ് തൽക്ഷണം അപകടത്തിൽപെട്ടു.
അപകടം നടന്നയുടനെ നാട്ടുകാർ ചേർന്ന് സഞ്ജയ് രാജിനെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
അപകടമുണ്ടാക്കിയ കണ്ടെയ്നർ ലോറി ഡ്രൈവറെ വടക്കഞ്ചേരി പോലീസ് കസ്റ്റഡിയിലെടുത്തു. പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
