കോട്ടയം അയർക്കുന്നം സ്വദേശിനി ജെയ്സിമോൾ മാത്യു(36), കോട്ടയം കുരുമുള്ളൂർ ആനച്ചേരി അഞ്ചക്കുന്നേൽ സ്വദേശിനി ജോബിന ജോണി (26)എന്നിവരാണ് മരിച്ച മലയാളി നഴ്‌സുമാർ.
തമിഴ്നാട് സ്വദേശികളായ രണ്ട് നഴ്‌സുമാരും അപകടത്തിൽ മരിച്ചു. വിജയലക്ഷ്മി, ഹെപ്‌സിബ എന്നിവരാണ് മരിച്ച തമിഴ്നാട് സ്വദേശികൾ.
വാഹനം ഓടിച്ചിരുന്ന സൗദി പൗരനും അപകടത്തിൽ മരിച്ചു.
തായിഫ് – റാനിയ റോഡിലാണ് അപകടം ഉണ്ടായത്. ഇവർ സൗദിയിലെ സർക്കാർ ഡിസ്പെൻസറിയിൽ നഴ്‌സുമാരായി ജോലി ചെയ്തുവരികയായിരുന്നു.
അവധി ദിവസമായതിനാൽ റാനിയയിലേക്ക് യാത്ര ചെയ്യുകയായിരുന്നു സംഘം. ഇതിനിടെയാണ് അപകടം ഉണ്ടായത്.
അപകടത്തിന്റെ കാരണം സംബന്ധിച്ച കൂടുതൽ വിവരങ്ങൾ പുറത്തുവരേണ്ടതുണ്ട്. സംഭവത്തിൽ അധികൃതർ അന്വേഷണം നടത്തിവരികയാണ്.
വിദേശത്ത് ജോലി ചെയ്ത് കുടുംബത്തെ നോക്കിയിരുന്ന രണ്ട് മലയാളി നഴ്‌സുമാരുടെ അപ്രതീക്ഷിത മരണം നാട്ടിലും വലിയ ദുഃഖമാണ് ഉണ്ടാക്കിയിരിക്കുന്നത്.
