വിപണിയിൽ പച്ചക്കറി വില കുതിച്ചുയരുന്നു. ഇത് സാധാരണക്കാരായ ഉപഭോക്താക്കളെ വലിയ തോതിൽ ബാധിച്ചിരിക്കുകയാണ്. വിപണിയിൽ ഇഞ്ചിയുടെ വില കിലോഗ്രാമിന് 250 രൂപ വരെയായി നിലവിൽ ഉയർന്നിട്ടുണ്ട്. കനത്ത മഴയെ തുടർന്ന് ഇഞ്ചി ഉൽപാദനം വലിയ തോതിൽ ഇടിഞ്ഞതാണ് പ്രധാന കാരണം.
മുൻവർഷങ്ങളെ അപേക്ഷിച്ച് ഉൽപാദനത്തിൽ 75 ശതമാനത്തോളം കുറവാണ് ഇത്തവണ രേഖപ്പെടുത്തിയത്. ഉൽപാദനത്തിലെ 75% ഇടിവ് സാധാരണ ഒരു ടൺ ഇഞ്ചി ലഭിക്കേണ്ട സ്ഥാനത്ത് 250 കിലോഗ്രാം മാത്രമാണ് ലഭിക്കുന്നത്. പുതിയ കൃഷി വിപണിയിൽ എത്തുന്നതുവരെ വില താഴാൻ സാധ്യതയില്ലെന്ന് വ്യാപാരികൾ വ്യക്തമാക്കുന്നു.
വെളുത്തുള്ളി വിലയും വിപണിയിൽ വൻതോതിൽ കുതിച്ചുയരുകയാണ്. നിലവിൽ വെളുത്തുള്ളി കിലോഗ്രാമിന് 180 മുതൽ 200 രൂപ നിരക്കിലാണ് വിൽക്കുന്നത്.
സവാള ഉൾപ്പെടെയുള്ള മറ്റ് നിത്യോപയോഗ സാധനങ്ങൾക്കും വിപണിയിൽ വൻ വിലക്കയറ്റമാണ് അനുഭവപ്പെടുന്നത്. വിലക്കയറ്റം മൂലം സാമ്പാർ ഒരുക്കുന്നത് അടുക്കള ബജറ്റിന്റെ താളം തെറ്റിക്കുമെന്നാണ് വീട്ടമ്മമാർ പറയുന്നത്. തക്കാളി വില കിലോഗ്രാമിന് 39 മുതൽ 42 രൂപയായി വിപണിയിൽ തുടരുകയാണ്. മൊത്തവ്യാപാര നിരക്കിൽ തക്കാളി ബോക്സിന് 900 രൂപയാണ് ഇന്നലെ രേഖപ്പെടുത്തിയത്.
സവാള വില കിലോഗ്രാമിന് 32 മുതൽ 35 രൂപയായി ഉയർന്നിട്ടുണ്ട്. ചില്ലറ വിൽപന കേന്ദ്രങ്ങളിൽ ബീൻസിന് 90 രൂപ വരെയാണ് നിലവിലെ വില. കാരറ്റിന് 65 മുതൽ 70 രൂപ വരെയാണ് മാർക്കറ്റിൽ ഈടാക്കുന്നത്. വെണ്ടയ്ക്ക വില 35 മുതൽ 40 രൂപ വരെയായി ഉയർന്നു.
ബീറ്റ് റൂട്ട് കിലോയ്ക്ക് 48 മുതൽ 60 രൂപ വരെയാണ് വിലനിലവാരം. കോളിഫ്ലവർ വില 39 മുതൽ 56 രൂപ വരെയായി വർദ്ധിച്ചു. കാബേജ് വില 44 മുതൽ 56 രൂപ വരെയെത്തി നിൽക്കുന്നു. പ്രധാന ഉൽപാദന കേന്ദ്രങ്ങളിലുണ്ടായ അപ്രതീക്ഷിത കാലാവസ്ഥാ വ്യതിയാനങ്ങളാണ് ഈ പ്രതിസന്ധിക്ക് കാരണം. ഇന്ധനവില വർധന മൂലമുണ്ടായ ചരക്കുകൂലി വർധനവും പച്ചക്കറി വിപണിയെ നേരിട്ട് ബാധിച്ചു.
