കോഴിക്കോട്: തൊട്ടിൽപ്പാലത്ത് അയ്യപ്പ ഭക്തർ സഞ്ചരിച്ച ബസിന്റെ ടയറിന് തീപിടിച്ചു. അപകടത്തിൽ ആർക്കും പരിക്കില്ലെന്നാണ് പുറത്തു വരുന്ന വിവരം. വാഹനത്തിന്റെ പിൻഭാഗത്തെ ടയറിനടിയിൽ നിന്നും പുക ഉയരുകയായിരുന്നു. ഉടൻ തന്നെ പ്രദേശവാസികളും വാഹനത്തിലെ യാത്രക്കാരും ചേർന്ന് തീ അണച്ചു.രാവിലെ 6.45ഓടെയായിരുന്നു അപകടം. ബെംഗളൂരുവിൽ നിന്ന് അയ്യപ്പഭക്തർ വരികയായിരുന്ന വാഹനത്തിന്റെ ടയറിലാണ് തീപിടിത്തമുണ്ടായത്. ഇന്ധന ടാങ്കിനോട് ചേർന്നുള്ള ടയറിനാണ് തീപിടിച്ചത്. പിൻഭാഗത്തെ ടയറിൽ നിന്ന് പുക ഉയരുന്നത് ശ്രദ്ധയിൽപ്പെട്ടതോടെ വാഹനം നിർത്തി തീർത്ഥാടകരെ പുറത്തിറക്കുകയായിരുന്നു.
നാദാപുരം ഫയർഫോഴ്സ് യൂണിറ്റും നാട്ടുകാരും ചേർന്നാണ് തീയണച്ചത്‌. ഷോർട്ട് സർക്യൂട്ടാണ് അപകട കാരണമെന്നാണ് സൂചന. ടയർ മാറ്റിയ ശേഷം തീർത്ഥാടകർ യാത്ര പുനരാരംഭിച്ചു. വൻ അപകടമാണ് ഒഴിവായത്.
