കൊച്ചി: യാത്രക്കാരുടെ തിരക്ക് കണക്കിലെടുത്ത് സൗത്ത് ഈസ്റ്റേൺ റെയിൽവേ
പ്രഖ്യാപിച്ച ടാറ്റാനഗർ – എറണാകുളം സ്പെഷ്യൽ ട്രെയിൻ സർവീസ് നാളെ.
ടാറ്റാനഗറിൽ നിന്ന് എറണാകുളത്തേക്കും തിരിച്ചുമായി നാല് സർവീസുകളാണ്
പ്രഖ്യാപിച്ചിരിക്കുന്നത്. ആദ്യത്തെ സർവീസ് നാളെ രാവിലെ അഞ്ച് മണിയ്ക്ക്
ടാറ്റാനഗറിൽ നിന്ന് പുറപ്പെടും. ബുധനാഴ്ച പുലർച്ചെയാണ് ട്രെയിൻ എറണാകുളത്ത്
എത്തുക. മടക്കയാത്ര വ്യാഴാഴ്ചയാണ് ക്രമീകരിച്ചിരിക്കുന്നത്. നാല് സർവീന്‍റെയും
ടിക്കറ്റ് റിസർവേഷന് മികച്ച പ്രതികരണമാണ് ലഭിക്കുന്നത്.
ടാറ്റാനഗറിൽ നിന്ന് എറണാകുളത്തേക്ക് ഫെബ്രുവരി 5, 12 തീയതികളിലാണ്
സ്പെഷ്യൽ ട്രെയിൻ സർവീസ്. രണ്ട് സർവീസിന്‍റെയും സ്ലീപ്പർ ക്ലാസ് ടിക്കറ്റുകൾ
റിസർവേഷൻ ആരംഭിച്ചപ്പോൾ തന്നെ ബുക്കിങ്ങ് ആവുകയായിരുന്നു. നാളെത്ത
യാത്രയ്ക്ക് നിലവിൽ വെയ്റ്റിങ് ലിസ്റ്റ് 100 കടന്നിരിക്കുകയാണ്. അടുത്ത തിങ്കളാഴ്ചത്തെ
സർവീസിനാകട്ടെ ആർഎസി 76 ആണ് നിലവിലെ ബുക്കിങ്.2 എസി ടു ടയർ
കോച്ചുകൾ, 5 എസി ത്രീ ടയർ കോച്ചുകൾ, 3 എസി ത്രീ ടയർ ഇക്കോണമി കോച്ചുകൾ, 7
സ്ലീപ്പർ ക്സാസ് കോച്ചുകൾ, 2 ജനറൽ സെക്കൻഡ് ക്ലാസ് ചോക്കുകൾ,
ഭിന്നശേഷിക്കാർക്കുള്ള ഒരു കോച്ച് എന്നിങ്ങനെയാണ് ട്രെയിനിലുള്ളത്. സ്ലീപ്പർ
ക്ലാസിന് 985 രൂപയും 3ഇ 2395 രൂപ, 3എ 2505 രൂപ, 2എ 3540 രൂപ എന്നിങ്ങനെയാണ്
ട്രെയിനിന്‍റെ ടിക്കറ്റ് നിരക്കുകൾ.08190 എറണാകുളം ജങ്ഷനിൽ നിന്ന് ടാറ്റാനഗറിലേക്ക്
ഫെബ്രുവരി 8, 15 വ്യാഴാഴ്ചകളിലാണ് ട്രെയിൻ സർവീസ് നടത്തുക. ഈ
സർവീസുകൾക്ക് നിലവിൽ സ്ലീപ്പർ ഉൾപ്പെടെയുള്ള ടിക്കറ്റുകൾ ലഭ്യമാണ്.
ജാർഖണ്ഡിലെ ടാറ്റാനഗറിൽ നിന്ന് കേരളത്തിലേക്കുള്ള സ്പെഷ്യൽ ട്രെയിനിന് 47
സ്റ്റോപ്പുകളാണ് ഉള്ളത്. കേരളത്തിൽ എറണാകുളത്തിന് മുൻപ് പാലക്കാട്, തൃശൂർ,
ആലു എന്നീ മൂന്ന് സ്റ്റോപ്പുകൾ മാത്രമാണ് സ്പെഷ്യൽ ട്രെയിനിനുള്ളത്.
