ഏക്കര്‍ കണക്കിന് ഭൂമി സ്വന്തമാക്കിവെച്ചവര്‍ നിയമ നടപടിക്ക് വിധേയമാകേണ്ടിവരുമെന്ന് മന്ത്രി രാജൻ. അനധികൃത കയ്യേറ്റക്കാരെ നേരിടുക എന്നത് സര്‍ക്കാരിന്റെ നയമാണെന്നും അദ്ദേഹം പറഞ്ഞു. അഞ്ച് സെന്റിനു താഴെ ഭൂമി കൈവശം വെച്ചവരെ ഒഴിപ്പിക്കുകയെന്നതല്ല സർക്കാരിന്റെ ലക്ഷ്യം. അതെസമയം ഒഴിപ്പിക്കൽ സംബന്ധിച്ച് എംഎം മണി നടത്തിയ പ്രസ്താവനയോട് പ്രതികരിക്കാൻ മന്ത്രി രാജൻ വിസമ്മതിച്ചു. റവന്യൂ വകുപ്പിന്റെ നടപടിയെ താൻ സ്വാഗതം ചെയ്യുന്നില്ലെന്നാണ് അദ്ദേഹം പറഞ്ഞത്. ന്യായമായി ഭൂമി കൈവശം വെക്കുന്നവരെയും കൃഷി ചെയ്ത് ജീവിക്കുന്നവരെയും ഒഴിപ്പിക്കരുത്. കൈയേറ്റം ഒഴിപ്പിക്കുന്നതിനു മുമ്പ് റദ്ദാക്കിയ പട്ടയങ്ങൾ തിരികെ നൽകണമെന്നും മണി ആവശ്യപ്പെട്ടു. കുടിയേറ്റക്കാരെ കൈയേറ്റക്കാരെന്ന് വിളിക്കരുതെന്നും എംഎം മണി പറഞ്ഞു. രാജഭരണകാലത്ത് കുറേയേറെപ്പേർക്കു ഭൂമി കൊടുത്തിട്ടുണ്ട്. ബ്രിട്ടിഷുകാർക്കും രാജഭരണകാലത്ത് കുറേ ഭൂമി കൊടുത്തിട്ടുണ്ട്. ഈ ഭാഗങ്ങളെ കേരളത്തിന്റെ ഭാഗമാക്കാനായി പണ്ട് കുടിയേറ്റം പ്രോത്സാഹിപ്പിച്ചിരുന്നു. ഇന്നു ഭരിക്കുന്നവർക്കുന്നവർക്ക് അതൊന്നും അറിയില്ലെന്നും അദ്ദേഹം പറഞ്ഞു. പണ്ട് നടന്ന കുടിയേറ്റങഅങളെ 2023ൽ വന്ന് കൈയേറ്റമാണെന്ന് പറഞ്ഞാൽ അത് അസംബന്ധമാണെന്നും മണി വ്യക്തമാക്കി.എന്നാൽ മൂന്നാറിൽ അച്യുതാനന്ദൻ സര്‍ക്കാരിന്റെ കാലത്തുണ്ടായതു പോലെയുള്ള ‘സിനിമാറ്റിക്’ നടപടികളൊന്നും ഉണ്ടാകില്ലെന്ന് മന്ത്രി രാജൻ സൂചിപ്പിച്ചു. ചട്ടങ്ങളനുസരിച്ചുള്ള നടപടികളാണ് ഉണ്ടാവുക. സാധാരണ ജനങ്ങളുടെ ജീവിതത്തെ ഒരുതരത്തിലും അവ ബാധിക്കില്ല.ഒരു തണ്ടപ്പേരിനുപോലും അവകാശമില്ലാത്ത മുഴുവൻ മനുഷ്യർക്കും ഭൂമി കൊടുക്കാനുള്ള ശ്രമമാണ് സർക്കാർ നടത്തുന്നത്. മരിച്ചാൽ കുഴിച്ചിടാൻ ആറടി മണ്ണുപോലും സ്വന്തമല്ലാത്ത ജനങ്ങളെ കയ്യേറ്റക്കാരെന്ന് പറഞ്ഞ് ഒഴിപ്പിക്കാൻ സർക്കാർ തുനിയില്ല. പക്ഷെ മറ്റ് കൈയേറ്റങ്ങൾ സർക്കാരിന്റെ ഭാഷയിൽ പറഞ്ഞാൽ, പരിശോധിക്കും. ഹൈക്കോടതി നിർദ്ദേശത്തിന്റെ അടിസ്ഥാനത്തിലാണ് സർക്കാരിന്റെ നടപടികളെന്നും അദ്ദേഹം കൂട്ടിച്ചേർത്തു.
