തിരുവനന്തപുരം : ഇതുവരെ നിയമസഭ കാണാത്തവർക്ക് ക്ഷണവുമായി സ്പീക്കർ എ എൻ ഷംസീർ. ജനുവരി 7 മുതൽ 13 വരെയാണ് പൊതുജനങ്ങൾക്ക് കയറാൻ അവസരമൊരുങ്ങുന്നത്. നിയമസഭയിലെ പുസ്തകോത്സവത്തിന്റെ ഒരുക്കങ്ങൾ കാണിക്കുന്ന ഒരു റീൽ വീഡിയോ ഇൻസ്റ്റഗ്രാം, ഫേസ്ബുക്ക് പേജുകളിലൂടെ പങ്കുവെച്ചുകൊണ്ടാണ് സ്പീക്കറിൻറെ ക്ഷണം. “കലാ സാംസ്കാരിക നമ്മേളനങ്ങളുടെ, നിറവാർന്ന വർണ്ണ ഘോഷങ്ങളുടെ , വായനയുടെ, വാദ മുഖങ്ങളുടെ എല്ലാം സംഗമിക്കുന്ന ഉത്സവ കാലമാണ്. ഇനിയും നിയമസഭ കാണാത്തവർക്ക് ഒരു തടസ്സവുമില്ലാതെ സഭാ ഗേറ്റിനകത്തേക്ക് 7 മുതൽ 13 വരെ നിങ്ങൾക്കും കയറാം” എന്ന് എ എൻ ഷംസീർ കുറിച്ചു.
