KERALA NEWS TODAY – തിരുവനന്തപുരം: പുതുപ്പള്ളി ഉപതിരഞ്ഞെടുപ്പില്‍ എല്‍.ഡി.എഫ് ജയിച്ചാല്‍ അത് ലോകാത്ഭുതങ്ങളില്‍ ഒന്നാണെന്ന് മുതിര്‍ന്ന സി.പി.എം നേതാവ് എ.കെ.ബാലന്‍.
വോട്ടെണ്ണലിന്റെ ആദ്യഘട്ടത്തില്‍ അത്ഭുതം ഒന്നും കാണുന്നില്ലെന്നും അദ്ദേഹം മാധ്യമങ്ങളോട് പ്രതികരിച്ചു.
Related Posts
‘അത്ഭുതം ഒന്നും ഇപ്പോള്‍ കാണുന്നില്ല. 52 വര്‍ഷം ഉമ്മന്‍ചാണ്ടി കൈവശം വെച്ച മണ്ഡലം, ഒരുഘട്ടത്തില്‍ 33,000 വോട്ടിന് ജയിച്ച മണ്ഡലം.
ഇടതുപക്ഷം ജയിച്ചുകഴിഞ്ഞാല്‍ ലോകാത്ഭുതങ്ങളില്‍ ഒന്നാണ്. ചരിത്രത്തിലെ ഏറ്റവും വലിയ ഭൂരിപക്ഷം എന്നാണല്ലോ യു.ഡി.എഫ് പറഞ്ഞത്. റിസള്‍ട്ട് വരട്ടെ അപ്പോള്‍ കാണാം’, എന്നായിരുന്നു എ.കെ.ബാലന്റെ പ്രതികരണം.
അതേസമയം, വോട്ടെണ്ണലിന്റെ ആദ്യ മൂന്ന് റൗണ്ട് പൂര്‍ത്തിയായപ്പോള്‍ തന്നെ കഴിഞ്ഞ തവണത്തെ ഉമ്മന്‍ചാണ്ടിയുടെ ഭൂരിപക്ഷത്തെ ചാണ്ടി ഉമ്മന്‍ മറികടന്നു.
