കെഎസ്ആര്ടിസി ബസില് നിന്നും തെറിച്ചുവീണ് യുവതി മരിച്ചു. ഇടുക്കി ഏലപ്പാറയിലാണ് സംഭവം. ഉപ്പുതറ ചീന്തലാര് സ്വദേശിനി സ്വര്ണ്ണമ്മയാണ് മരിച്ചത്. ബസിന്റെ വാതിലിന് സമീപത്ത് നിന്നിരുന്ന യുവതി തെറിച്ചു പുറത്തേക്ക് വീഴുകയായിരുന്നു. കോട്ടയം മെഡിക്കല് കോളേജ് ആശുപത്രിയിലേക്ക് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് കെഎസ്ആര്ടിസി ആഭ്യന്തര അന്വേഷണം ആരംഭിച്ചിരിക്കുകയാണ്.
