KERALA NEWS TODAY-തിരുവനന്തപുരം : അക്കൗണ്ടന്റ് ജനറൽ (എജി) തെറ്റായ നിലപാട് സ്വീകരിച്ചു രാഷ്ട്രീയ കളി നടത്തിയെന്ന് എൽഡിഎഫ് കൺവീനർ ഇ.പി.ജയരാജൻ. കേന്ദ്ര സർക്കാർ നയങ്ങൾക്കെതിരെ എൽഡിഎഫ് രാജ് ഭവനു മുന്നിൽ സംഘടിപ്പിക്കുന്ന സത്യാഗ്രഹ സമരം ഉദ്ഘാടനം ചെയ്യുകയായിരുന്നു അദ്ദേഹം.
‘‘സംസ്ഥാനം നികുതി കുടിശിക പിരിച്ചെടുക്കുന്നില്ലെന്ന് എജി തെറ്റായി പ്രചരിപ്പിച്ചു.
നികുതി പിരിക്കാത്തതിനാൽ കേന്ദ്രത്തിൽനിന്നുള്ള അർഹതപ്പെട്ട വിഹിതം കൊടുക്കേണ്ട എന്ന സ്ഥാപിച്ചെടുക്കുകയാണ്.
ഓഡിറ്റ് റിപ്പോർട്ട് സമർപ്പിക്കേണ്ട ആൾ മാത്രമാണ് എജി. അദ്ദേഹത്തിനു പത്ര സമ്മേളനം നടത്താൻ എന്ത് അവകാശമാണുള്ളത്.
രാഷ്ട്രീയ ഉദ്ദേശ്യമാണതിനു പിന്നിൽ. സംസ്ഥാന നിയമസഭ പാസാക്കിയ ബില്ലുകൾ ഗവർണർ ഒപ്പിടാത്തത് ബിജെപി നയത്തിന്റെ ഭാഗമായാണ്’’ – ജയരാജൻ ആരോപിച്ചു.
മുഖ്യമന്ത്രിയോ മന്ത്രിമാരോ സമരത്തിൽ പങ്കെടുക്കുന്നില്ല.
