ACCIDENT NEWS-ബിഹാർ- : ബിഹാറില്‍ സ്‌കൂൾ കുട്ടികളുമായി സഞ്ചരിച്ച ബോട്ട് മുങ്ങി.
മുങ്ങൽ വിദഗ്ധരുടെ സഹായത്തോടെ ഇരുപത് പേരെ രക്ഷിച്ചു.
ഇനിയും പതിനെട്ട് കുട്ടികളെ കണ്ടുകിട്ടാനുണ്ടെന്നാണ് സൂചന.
മുസാഫര്‍പൂര്‍ ജില്ലയില്‍ ഇന്ന് രാവിലെയാണ് സംഭവം നടന്നത്. വിദ്യാര്‍ത്ഥികളെ സ്‌കൂളിലെത്തിക്കാന്‍ പുറപ്പെട്ട ബോട്ടാണ് ബാഗ്‌മതി നദിയില്‍ മറിഞ്ഞത്.
സംഭവസ്ഥലത്തേക്ക് എത്തണമെന്ന് ജില്ലാ മജിസ്‌ട്രേറ്റ് ഉള്‍പ്പടെയുള്ള മുതിര്‍ന്ന ഉദ്യോഗസ്ഥര്‍ക്ക് നിര്‍ദേശം നല്‍കിയെന്ന് മുഖ്യമന്ത്രി നിതീഷ് കുമാര്‍ പറഞ്ഞു. അപകടത്തില്‍പെട്ട കുട്ടികളുടെ കുടുംബാംഗങ്ങള്‍ക്ക് ആവശ്യമായ എല്ലാ പിന്തുണയും നല്‍കുമെന്നും അദ്ദേഹം വ്യക്തമാക്കി.
സംസ്ഥാന ദുരന്ത നിവാരണ സേന സംഭവ സ്ഥലത്ത് എത്തി കുട്ടികള്‍ക്കായുള്ള തിരച്ചില്‍ തുടരുകയാണെന്നും അദ്ദേഹം അറിയിച്ചു. അപകടത്തെ പറ്റി കൂടുതല്‍ വിവരങ്ങള്‍ ഇനിയും ലഭ്യമാകാനുണ്ട്
