ENTERTAINMENT NEWS-കൊച്ചി : തെന്നിന്ത്യയില്‍ ഒരു കാലത്ത് നിറഞ്ഞു നിന്ന താരമാണ് മീര ജാസ്മിന്‍.
ഒരു വലിയ ഇടവേളയ്ക്ക് ശേഷം വീണ്ടും തിരിച്ചുവരവിന് ഒരുങ്ങുകയാണ് താരം.
സിനിമയില്‍ സജീവമായിരുന്ന കാലത്ത് തെലുങ്ക് സിനിമയില്‍ നിറഞ്ഞു നിന്ന താരമായിരുന്നു മീര.
ഇപ്പോഴിതാ മീര നായികയായ ഒരു തെലുങ്ക് ചിത്രം റീറിലീസ് ചെയ്തിരിക്കുകയാണ്.
ഇതിന് വലിയ സ്വീകരണമാണ് ലഭിക്കുന്നത്.
‘ഗുഡുംബ ശങ്കര്‍’ എന്ന പവന്‍ കല്ല്യാണ്‍ ചിത്രമാണ് ഇപ്പോള്‍ റീ റിലീസ് ചെയ്തിരിക്കുന്നത്.
പവന്‍ കല്ല്യാണ്‍ തന്നെയാണ് തിരക്കഥ എഴുതിയ ചിത്രം അക്കാലത്ത് വലിയ ഹിറ്റായിരുന്നു.
തീയറ്ററില്‍ വലിയ സ്വീകരണമാണ് ചിത്രത്തിന് പവര്‍ സ്റ്റാര്‍ എന്ന് അറിയപ്പെടുന്ന പവന്‍ കല്ല്യാണ്‍ ഫാന്‍സ് നല്‍കുന്നത്. മീര ജാസ്മിന്‍റെ പ്രകടനത്തെ വാഴ്ത്തി സോഷ്യല്‍ മീഡിയയില്‍ തെലുങ്ക് പ്രേക്ഷകര്‍ നിരവധി പോസ്റ്റുകളാണ് ഇടുന്നത്.
‘ഗുഡുംബ ശങ്കര്‍’ റീറിലീസുമായി ബന്ധപ്പെട്ട് മീര ജാസ്മിനും തന്‍റെ സോഷ്യല്‍ മീഡിയ അക്കൌണ്ടില്‍ പ്രത്യേക പോസ്റ്റര്‍ തന്നെ ഇട്ടിരുന്നു. അതേ സമയം മലയാളത്തിലും തിരിച്ചുവരവിന് ഒരുങ്ങുകയാണ് മീര ജാസ്മിന്‍. എം.പത്മകുമാർ സംവിധാനം ചെയ്യുന്ന ക്യൂൻ എലിസബത്ത് എന്ന ചിത്രത്തിലൂടെയാണ് മീര തിരിച്ചുവരുന്നത്. ജോണി ആന്റെണി. രമേഷ് പിഷാരടി, ജൂഡ് ആന്റെണി ജോസഫ്, വി.കെ.പ്രകാശ്, ശ്യാമപ്രസാദ്. ശ്വേതാ മേനോൻ, മല്ലികാ സുകുമാരൻ , മഞ്ജു പത്രോസ്, ശ്രുതി, നീനാ കുറുപ്പ്, സാനിയാ ബാബു , ആര്യാ , ,വിനീത് വിശ്വം, രഞ്ജിത്ത് കങ്കോൾ, ചിത്രാ നായർ, എന്നിവരും പ്രധാന വേഷങ്ങളിലുണ്ട്. അർജ്യൻ.ടി.സത്യന്റേതാണു തിരക്കഥ.
