ENTERTAINMENT NEWS-പുതിയ ചിത്രത്തിലെ ആക്ഷൻ രംഗങ്ങൾക്കുവേണ്ടി പരിശീലനം ആരംഭിച്ച് കമൽഹാസൻ.
തോക്കുപയോഗിച്ച് പരിശീലനം നടത്തുന്ന കമൽഹാസന്റെ വീഡിയോ രാജ് കമല്‍ ഫിലിംസ് പുറത്തുവിട്ടു.
എച്ച് വിനോദ് സംവിധാനം ചെയ്യുന്ന ചിത്രത്തിന് വേണ്ടിയാണ് പരിശീലനം.
KH233 എന്നാണ് ചിത്രത്തിന് താത്കാലികമായി നൽകിയിരിക്കുന്ന പേര്.
കമൽഹാസന്റെ 233-മത്തെ ചിത്രവും രാജ് കമല്‍ ഫിലിംസിന്‍റെ 152-ാം ചിത്രമാണിത്.
ചിത്രത്തിന്റെ നേരത്തെ പുറത്തുവിട്ട അനൗൺസ്മെന്റ് വീഡിയോ വെെറലായിരുന്നു.
ആർ. മഹേന്ദ്രനും കമൽഹാസനും ചേർന്നാണ് ചിത്രം നിർമിക്കുന്നത്.
അജിത്ത് നായകനായെത്തിയ തുനിവ് ആണ് എച്ച് വിനോദിന്റെ അവസാനമായി പുറത്തിറങ്ങിയ ചിത്രം.
ലോകേഷ് കനകരാജ് സംവിധാനം ചെയ്ത വിക്രം ആണ് കമൽഹാസൻ നായകനായി ഒടുവിലായി പുറത്തിറങ്ങിയ ചിത്രം. ഇൻഡസ്ട്രി ഹിറ്റായി മാറിയ വിക്രത്തിന് ശേഷമുള്ള കമൽ ചിത്രത്തിനായി ആകാംക്ഷയോടെ കാത്തിരിക്കുകയാണ് ആരാധകർ. നിലവിൽ ശങ്കർ സംവിധാനം ചെയ്യുന്ന ഇന്ത്യൻ 2 വിന്റെ തിരക്കിലാണ് കമൽഹാസൻ. ഈ ചിത്രത്തിന് ശേഷമാകും എച്ച് വിനോദ് ചിത്രം ആരംഭിക്കുക. പ്രഭാസ് നായകനാകുന്ന പ്രൊജക്ട് കെയിലും കമൽഹാസൻ സുപ്രധാന വേഷത്തിലെത്തുന്നുണ്ട്.
