Verification: ce991c98f858ff30

മാരാമൺ​ കൺവെ​ൻഷ​ൻ; ക്ര​മീ​ക​ര​ണ​ങ്ങ​ൾ മി​ക​ച്ച രീ​തി​യി​ൽ പൂർത്തി​യാ​ക്കും -മന്ത്രി വീണാ ജോർജ്.

Maramon Convention; The regularizations will be completed in the best way - Minister Veena George.

KERALA NEWS TODAY –  പ​ത്ത​നം​തി​ട്ട : 128-ാമത് മാരാമൺ​ കൺവെ​ൻഷ​ൻ മനോഹരമായി സംഘടിപ്പിക്കുന്നതിന് ആവശ്യമായ സർക്കാർതല ക്രമീകരണങ്ങൾ ഏറ്റവും മികച്ചരീതിയിൽ പൂർത്തിയാക്കുമെന്ന് ആരോഗ്യമന്ത്രി വീണാ ജോർജ്.

മാരാമൺ​ കൺവെ​ൻഷ​നുമായി ബന്ധപ്പെട്ട സർക്കാർതല മുന്നൊരുക്കങ്ങൾ വിലയിരുത്തുന്നതിന്റെ ഭാഗമായി കോഴഞ്ചേരി മാരാമൺ റിട്രീറ്റ് സെന്ററിൽ ചേർന്ന യോഗത്തിൽ സംസാരിക്കുകയായിരുന്നു മന്ത്രി.

പമ്പാനദിയുടെ മാരാമൺ തീരം കെട്ടി സംരക്ഷിക്കുന്നതിന് ജലവിഭവമന്ത്രി 32 ലക്ഷം രൂപ അനുവദിച്ചു.

ഫെബ്രുവരി 12 മുതൽ 19 വരെ നടക്കുന്ന കൺവെ​ൻഷ​ൻ എല്ലാ സർക്കാർ വകുപ്പുകളുടെയും മികച്ച ഏകോപനത്തിൽ,

മികവുറ്റരീതിയിൽ പൂർത്തിയാക്കും.

കോവിഡ് കാലത്തെ ഇടവേളയ്ക്കുശേഷം നടക്കുന്ന കൺവെ​ൻഷനായതുകൊണ്ടുതന്നെ അഭൂതപൂർവമായ തിരക്കനുഭവപ്പെടാൻ സാധ്യതയുണ്ട്. അത്തരം കാര്യങ്ങളിലെല്ലാം കൃത്യമായ ഏകോപനമുണ്ടാകും.

 

അടിസ്ഥാനസൗകര്യങ്ങളിൽ യാതൊരു കുറവുമുണ്ടാകില്ല.

കൺവെ​ൻഷ​ൻ നഗറിലെത്തുന്നവർക്ക് യാതൊരുതരത്തിലുള്ള കുറവോ ബുദ്ധിമുട്ടോ ഉണ്ടാകാത്തരീതിയിലുള്ള നടപടികൾ സ്വീകരിക്കും.

കൺവെ​ൻഷ​ൻ നഗറിൽ അണുനശീകരണവും ശുചീകരണപ്രവർത്തനവും ഫോഗിങ്ങും കുറ്റമറ്റരീതിയിൽ നടത്തും.

ആരോഗ്യവകുപ്പ് ഐ.ഇ.സി. സ്റ്റാൾ കൺവെ​ൻഷ​ൻ നഗറിൽ സ്ഥാപിക്കും.

കൺവെ​ൻഷ​ൻ ആരംഭിക്കുന്നതിനുമുൻപ് ഹോട്ടലുകളിൽ പരിശോധന നടത്തും.

കൺവെ​ൻഷ​ന് എത്തുന്നവരുടെ സൗകര്യാർഥം കെ.എസ്.ആർ.ടി.സി. ബസുകൾ സർവീസ് നടത്തും.

കൺവെ​ൻഷ​ൻ നഗറിൽ താത്‌കാലിക ബസ്‌സ്റ്റേഷൻ പ്രവർത്തിപ്പിക്കും.

കൺവെ​ൻഷ​ൻ നഗറിലെ പാർക്കിങ്‌, ക്രമസമാധാനപാലനം, ഗതാഗതനിയന്ത്രണം എന്നിവ പോലീസ് നടത്തും.

ഇതിനായി 250 പോലീസുദ്യോഗസ്ഥരെ കൺവെ​ൻഷ​ൻ നഗറിലും പരിസരപ്രദേശങ്ങളിലുമായി വിന്യസിക്കും.

കൂടുതൽ പോലീസുദ്യോഗസ്ഥരെ ഇതിനായി വിനിയോഗിക്കും. പോലീസ് കൺട്രോൾ റൂം കൺവെ​ൻഷ​ൻ ​നഗറിൽ ആരംഭിക്കും.

ജില്ലാ പഞ്ചായത്ത് വൈസ് പ്രസിഡന്റ് സാറാ തോമസ്, ബ്ലോക്ക് പഞ്ചായത്ത് പ്രസിഡന്റ് ശോശാമ്മ ജോസഫ്, തോട്ടപ്പുഴശേരി ഗ്രാമപ്പഞ്ചായത്ത് പ്രസിഡന്റ് സി.എസ്.ബിനോയ്, ബ്ലോക്ക് പഞ്ചായത്ത് അംഗങ്ങളായ അനീഷ് കുന്നപ്പുഴ,

അജി അലക്സ്, കോഴഞ്ചേരി ഗ്രാമപ്പഞ്ചായത്തംഗം ബിജിലി പി.ഈശോ, മാർത്തോമാ സുവിശേഷ പ്രസംഗസംഘം ജനറൽ സെക്രട്ടറി റവ. ജിജി മാത്യുസ്,

ഖജാൻജി ജേക്കബ് സാമുവേൽ, കറസ്പോണ്ടന്റ് സെക്രട്ടറി ഡോ.അജിത് വർഗീസ് ജോർജ്, സഞ്ചാര സെക്രട്ടറി റവ. സജി പി.സൈമൺ, ജനപ്രതിനിധികൾ, വിവിധ വകുപ്പുതല ഉദ്യോഗസ്ഥർ തുടങ്ങിയവർ പങ്കെടുത്തു.

Leave A Reply

Your email address will not be published.