മുംബൈ: ബോളിവുഡ് നടൻ ഷാരൂഖ് ഖാൻ്റെ ബംഗ്ലാവായ മന്നത്തിൻ്റെ സുരക്ഷയിൽ വൻ വീഴ്ച. വ്യാഴാഴ്ച രാത്രി രണ്ട് പേർ കിംഗ് ഖാൻ്റെ വസതിയിലേക്ക് അതിക്രമിച്ച് കയറി. ഗുജറാത്തിലെ സൂറത്ത് നിവാസികളായ യുവാക്കളെ മുംബൈ പോലീസ് അറസ്റ്റ് ചെയ്തു. മന്നത്തിൻ്റെ ചുറ്റുമതിലിനകത്ത് സുരക്ഷാ ജീവനക്കാരാണ് ആരാധകർ എന്നറിയിച്ച ഇവരെ കണ്ടെത്തിയത്.
ബംഗ്ലാവിൻ്റെ മാനേജർ ഇരുവരേയും പോലീസിൽ ഏൽപ്പിക്കുകയായിരുന്നു. ഇരുവരും മതിലിന് മുകളിലൂടെ കെട്ടിടത്തിലേക്ക് ചാടിയതായാണ് റിപ്പോർട്ട്. കെട്ടിടത്തിൻ്റെ പിൻഭാഗത്ത് നിന്നാണ് ഇവർ മതിൽ ചാടിക്കടന്നത്. തങ്ങൾ ഷാരൂഖ് ഖാൻ്റെ ആരാധകരാണെന്നും നടനെ കാണാൻ ആഗ്രഹിക്കുന്നുവെന്നും ജയിലിൽ ഇരുവരും വെളിപ്പെടുത്തി.
